Welkom op my Webwerf. Hier wys ek jou my gepubliseerde boeke, en praat ek oor boeke wat nog in die werkswinkel is, en oor ander wat nog in die prutpot aan die kook is. Klik op my kwakkie om my Amazon Skrywersblad te besoek. Klik op hierdie skakel om ons Afrikaanse skrywerswerf, http://Hasepad.com te besoek.

---

Die gate in kant maak dit net sterker

… en mooier

'n Volk wat verdruk en vermoor word is soos kant — elkeen wat sterf, laat 'n leemte agter wat nooit weer gevul kan word nie. Maar, soos met 'n stuk kant, is dit die gare rondom die gate wat die doilie so sterk maak. En so mooi. Hierdie toneelstuk speel af in 'n konsentrasiekamp tydens die Anglo-Boereoorlog. Mense wat die Engelse ondersteun is refugees, en hulle het eerste aanspraak op skaars hulpbronne. Maar diegene met mans en seuns op kommando is undesirables, en hulle kry die helfte minder rantsoene as die refugees. Selfs al is daar 'n pasgebore baba in hulle tent. En al is 'n jong vrou deur 'n kakie verkrag.

---

Bobbejaan van Jesu

'n Roman so wyd soos die grasvlaktes van  Afrika

"Ek glo in die Hoë God, Mungu, wat sy seun Jesu Kristo op safari gestuur het om die Maasai te kom red …" So lui die woorde van die Maasai geloofsbelydenis. Woorde wat 'n jong misdadiger, 'n boorling van die Serengeti-vlakte en die grasvelde rondom die Ngorongoro-krater, inspireer om te begin met 'n houtsneeloopbaan wat nie net hom nie, maar diegene rondom hom transformeer. Bobbejaan van Jesu is nie 'n vertaling van my boek, Yesu's Baboon, nie. Dis 'n nuwe en anderster roman. Anders as enigiets wat jy nog in Afrikaans gelees het. Ek is tans druk besig met die (her)skryf van die boek.